నా పేరు బేతపూడి మధు. నేను లలిత కవి బిరుదాంకితులైన శ్రీ బేతపూడి రాజశేఖర రావు గారి కుమారుడను. మా నాన్నగారి ప్రోత్సాహము, ఆశీస్సులతో నేను వ్రాసిన పాట.నేను ఉపాధ్యాయునిగా బాధ్యతలు చేపట్టిన ఊరు చాపార్లపల్లిలోని రామాలయం సందర్శించిన సందర్భంగా....
పల్లవి: శ్రీరామ జయరామ శ్రీరంగధామ
కోరికల్ దీర్చవా కోదండరామ !!2!!
చరణం: చాపార్లపల్లిలో జానకీదేవితో
కొలువైన ఓ రామ కోదండ రామ !!శ్రీరామ!!
చరణం: నీ నామ జపమును నిశ్చలముగ జేయ
కోవెలకు వచ్చితిమి కోదండరామ !!శ్రీరామ!!
చరణం: మాపైన దయజూపి మా బాధలను బాపి
కురిపించవా ప్రేమ కోదండరామ !!శ్రీరామ!!
చరణం: కలిగినది దెచ్చితిమి కాదనకగొనుమయ్య
కోపగించకుమయ్య కోదండరామ !!శ్రీరామ!!
చరణం: మావూరి జనులెల్ల మనసారకొలిచేరు
కూర్మితో రక్షించు కోదండరామ !!శ్రీరామ!!
Tags:
ఇతరుల రచనలు